Siglir tar il cuntegn
Inhalt

Svizra Gronda resistenza cunter «Pro Service Public»

In gea a l'iniziativa «Pro Service Public» na rinforzass betg il provediment fundamental, mabain flaivlentass quel, quai ha ditg Isidor Baumann il president da la cuminanza da lavur svizra per il territoris da muntogna avant las medias a Berna.

Chistas cun suttascripziuns per l'iniziativa «Pro Service Public».
Legenda: L’iniziativa pretenda tranter auter che las interpresas liadas a la confederaziun na dastgan betg far gudogn. Keystone

Il titel tunia bain, ma l'iniziativa chaschunassi exact il cuntrari. Il provediment fundamental stoppia vegnir sviluppà cuntinuadamain. Perquai dovrian La Posta, las Viafiers federalas e la Swisscom dentant retgavs.

«Consequenzas catastrofalas»

L’iniziativa da differentas revistas da consuments pretenda tranter auter che las interpresas liadas a la confederaziun na dastgan betg far gudogn. Quai avessi consequenzas catastrofalas, uschia ils adversaris. U ch'i dess ina marcanta reducziun da la purschida u che la confederaziun, ils chantuns ed ils clients stuessan siglir en ils fiers persuenter.

En il parlament nagin commember ch’ha vuschà per l’iniziativa. Il suveran decida ils 5 da zercladur en chaussa.

RR novitads 16:00