Siglir tar il cuntegn
Inhalt

Svizra Gronda onur per il diplomat e salvader da Gidieus Carl Lutz

En il tract vest da la Chasa federala è vegnida inaugurada ina stanza da sesida sin il num «Salle Carl Lutz».

Ina part da la Chasa federala.
Legenda: Carl Lutz, il diplomat svizzer e salvader da Gidieus, è vegnì onurà en la Chasa federala. Keystone

En preschientscha dal cusseglier federal Ignazio Cassis è ina stanza da seduta en la Chasa federala vegnida inaugurada sin il num «Salle Carl Lutz». Igl è l'emprima onuraziun uffiziala dal diplomat svizzer e salvader da Gidieus, scriva il Departament federal per affars exteriurs.

Tranter ils onns 1942 fin 1945 ha Carl Lutz, lura sco ambassadur svizzer a Budapest, salvà 62'000 Gidieus da la deportaziun. Senza sustegn uffizial da Berna han el e sia dunna chattà vias per impedir questas deportaziuns.

RR novitads 15:00