Siglir tar il cuntegn

Svizra Gronda empustaziun per Stadler Rail

L'interpresa svizra che producescha trens «Stadler Rail» ha survegnì ina incumbensa gronda ord ils Stadis Unids. Stadler dastga furnier 16 trens d'autotracziun per il traject San Francisco e San Jose en il Silicon Valley,

Tren da Stadler.
Legenda: Stadler dastga furnir 16 trens per 551 milliuns dollars. Keystone

Per il traject tranter San Francisco e San Jose en il Silicon Valley po Stadler fabritgar 16 trens d'autotracziun da dus plauns per passa mesa milliarda dollars. Ils trens d’autotracziun da dus plauns vegnan furnids mez 2019 e duain lura circular davent da l’onn 2020 tranter San Francisco e San Jose en il Silicon Valley,

L'empustaziun da Caltrain è la 7avla e fin ussa la pli gronda empustaziun ord ils Stadis Unids. L’emprima empustaziun ha l’interpresa obtegnì l’onn 2002.

Sco l'interpresa da la Turgovia cun sedia a Bussnang communitgescha, cuntegnia l'incumbensa in'opziun per 96 ulteriurs vaguns per 385 milliuns dollars.

RR novitads 12:00