Siglir tar il cuntegn

Header

cuntegn

Svizra Grond Son Bernard – il tunnel resta serrà

Almain fin il mez da schaner ed uschia massiv pli ditg che quintà, resta il tunnel dal Grond Son Bernard en il chantun Vallais serrà. Per il gestiunari dal tunnel munta quai sperditas da 2,5 milliuns francs, taxas per passar tras il tunnel che van a perder.

Ils 21 da settember han ins stuì serrar il tunnel. La construcziun che porta in palantschieu intermediar per la ventilaziun è rutta da la vart taliana dal tunnel. Cunquai che la via dal pass sur il Grond Son Bernard è era serrada pervia da la naiv dapi l'entschatta da november, èn il Vallais e l'Italia mo pli colliads via il Simplon in cun l'auter.

Anc è marschà nagut

En sasez era previs dad avrir il tunnel dal Grond Son Bernard l'entschatta november. Dentant era dus mais suenter n’han ins anc betg cumenzà cun las lavurs da sanaziun, sco la gestiunaria la Tunnel Grosser St. Bernhard SA communitgescha.

RR novitads 12:00

Artitgels legids il pli savens