Siglir tar il cuntegn
Inhalt

Svizra Grischelectra SA ha vendì pli pauca energia

La Grischelectra SA ha vendì 13,7% pli pauca electricitad durant l'onn da fatschenta 2016/2017. Il maun public survegn uschia ina participaziun al gudogn en valita da 2,1 milliuns francs.

Electricitad.
Legenda: La participaziun al gudogn è bunamain sa reducida sin la mesadad. Keystone

L'onn da fatschenta 2016/2017 ha la Grischaelectra SA furnì 513 uras gigawatt. Quai èn 81,8 uras gigawatt pli pauc che l'onn avant 17% pli pauc che quai ch'ins aveva spetgà. Gia l'onn passà avevan ins dumbrà in minus da 12,5%.

Il maun public, pia las vischnancas da concessiun da la Corporaziun Engergia Engiadina, la vischnanca da Mesocco ed il chantun Grischun, survegnan ina participaziun al gudogn da 2,1 milliun francs. L'onn passà aveva questa summa anc muntà a 4,8 milliuns francs.

Agio sin valita minimala

L'agio (Aufgeld) han ins fixà tar 0,4 raps per ura gigawatt, quai correspunda al minimum ch'è tenor contract pussaivel. L'onn passà muntava l'agio anc a 0,8 raps. La raschun per la reducziun da l'agio èn grondas midadas sin il martgà d'energia.

Uschia èn ils custs da producziun sa reducids da 5,57 raps per ura gigawatt sin 5,26 raps per ura gigawatt.

Grischaelectra SA

La Grischaelectrica SA è ina societad d'electricitad ch'è tenor dretg independenta. Las aczias èn repartidas sin partenaris A (70%) e partenaris B (30%).

Partenaris A: Chantun Grischun, vischnancas grischunas, societads d'electricitad grischunas, industrias grischunas cun aut diever d'energie e la Viafier retica

Partenaris B: Repower AG ed Axpo Trading AG

Plinavant ha la Grischaelectrica SA reelegì ils commembers dal cussegl d'administraziun Stefan Engler, Kurt Bobst, Georg Anton Buchli, Emil Müller e Peter Lustenberger per la perioda d'uffizi 2019 fin 2021.

RR novitads 17:00