Il pli savens sajan uffants fin quatter onns e persunas tranter 30 e 64 onns pertutgads. L'emna vargada han ils medis annunzià passa 62,9 cas da suspect da la grippa sin 1'000 consultaziuns. Quai correspunda bunamain a passa 331 cas sin 100'000 abitants.
Il dumber da persunas cun indizis da grippa haja cun quai cleramain surpassà la valur ch'inditgescha in'epidemia per la stagiun actuala.
Grischun è zunt pertutgà
En il Grischun ed en il Tessin hai ensemen dà l'emna vargada passa 900 consultaziuns da grippa sin 100'000 abitants. En la Svizra franzosa 470. Pli pauc periclitads da la grippa èn abitants en las regiuns da Basilea, Argovia e Soloturn. Là hai dà 140 consultaziuns da grippa sin 100'000 abitants.
Engrevgiant saja quest onn plinavant che bun la mesadad da las vaccinaziuns na gidian betg cunter il virus actual – scriva l'Uffizi federal da sanadad.
Contribuziuns ord l'archiv RTR
RR novitads 06:00