Siglir tar il cuntegn
cuntegn

Svizra Grippa d’utschels al Lai da Constanza

Spezialists han registrà al Lai da Constanza plirs cas da la grippa d'utschels. Ed il Vorarlberg ha dumbrà dapi la fin d’emna pli che 100 cadavers d’utschels d’aua, quels vegnan uss examinads.

Ina persuna metta in utschè crappà en in satg.
Legenda: Avant 10 onns ha la protecziun civila gidà da rimnar utschels crappads or dal Lai da Constanza. Keystone

Dapi venderdi passà haja dà enturn il lai differentas annunzias d'utschels selvadis crappads, en emprima lingia d'andas moras, quai annunzia l'Uffizi federal veterinar. Resultats definitivs davart las raschuns da las morts na sajan betg avant maun, dentant tut las analisas fatgas fin qua laschian supponer la grippa d'utschels. Probablamain sa tractia dal tip H5N8.

Emprimas decisiuns la gievgia

Sco l'Uffizi federal veterinar scriva, veglian ils trais pajais pertutgads la Svizra, la Germania e l'Austria, coordinar lur mesiras per evitar ch'il virus da derasia vinavant. Decisiuns duain crudar la gievgia, pussaivel fissan zonas da protecziun enturn il Lai da Constanza e controllas pli intensivas.

RR novitads 20:00