Grippa arriva pli baud en Svizra

Gist l’emna avant ils dis da festa è l’unda da grippa sa derasada en Svizra. Uschia è ella arrivada en noss pajais pli baud ch’ils ultims dus onns.

Cunter la grippa datti mintg'onn ina vaccinaziun. Questa dattan er medis da chasa.

Legenda da maletgs: Cunter la grippa datti mintg'onn ina vaccinaziun. Questa dattan er medis da chasa. Keystone

Medias e medis ch’èn colliads cun il sistem per signalisar malsognas transmissiblas (‘Sentinella’) ston annunziar cas da suspect da grippa.

Sco quai che l'Uffizi federal da sanadad communitgescha hajan quest'emna ils medis èn passa 8 da 1'000 consultaziuns il suspect sin la grippa. Quai correspunda a 71 cas sin 100'000 abitants e vegn valità sco epidemia.

Fevra, tuss, dolurs

Cumpareglià cun ils mais d’enviern dals dus onns precedents è quai bler pli baud. Segns per in virus da grippa pon esser: Spontana fevra, tuss, mal la gula, snavurs sco er mal il chau e las giugadiras.

Tgi che va tar il medi cun tals sintoms sto per regla laschar prender ina prova da la chavorgia dal nas. Questa prova vegn lura tramessa al Center naziunal da referenza per influenza (grippa) e va enavant a l’Uffizi federal da sanadad.

RR novitads 16:00