Siglir tar il cuntegn
cuntegn

Svizra Grev da chattar la via en la vita professiunala

Mintg’onn chattan 3’700 persunas la via enavos en lur vita professiunala suenter in grev accident. A blers manchia la lavur, scriva la Suva en ina communicaziun.

La via enavos en il martgà da lavur n'è betg per tuts tuttina lunga.
Legenda: La via enavos en il martgà da lavur n'è betg per tuts tuttina lunga. Keystone

Bleras persunas pertutgadas na lavurian suenter in grev accident betg pli en lur anteriura professiun u stoppian reducir lur pensum.

Blers lain encrescher per lur professiun

Bunamain la mesadad da questas persunas mida il patrun da lavur ni po betg pli lavurar en in pensum cumplain en la professiun. Il 2016 ha la Suva serrà giu radund 4’200 cas cun ina problematica da reintroducziun. 88% da questa persunas èn vegnidas integradas cun success.

La via enavos è different lunga

Quant ditg temp ch’i giaja enfin che las persunas pertutgadas sajan puspè enavos en lur vita varieschia da paucs mais fin plirs onns, scriva la Suva. In success è sche la persuna po lavurar e sto sulet retrair maximalmain 20% da la renta d’invaliditad. Tar persunas sut 20 onns che han in accident durant la lavur dumognan 99% il pass enavos en lur professiun, scriva la Suva.

RR novitads 10:00