A partir da la stad curseschan singuls trens da vitgira lura regularmain sin il traject dal Gottard, communitgescha l'Uffizi federal per il traffic. A partir dal settember vegn lura ina gronda part dal traffic da vitgira svià tras il tunnel e cun la midada da l'urari il december profitescha er il traffic da persunas dad in viadi pli curt tranter nord e sid.
Dapli capacitads
Grazia al nov tunnel da basa dal Gottard datti dapli capacitads per il traffic da vitgira sin binaris. Oz curseschan 180 trens per di sin il traject nord-sid. La fin dal 2020 vegnan quai ad esser 260 trens ch’èn pli lungs e pli grevs. Quai correspunda ad in plus da 44 pertschient. Per cuntanscher quest augment da capacitad dovra quai dentant il tunnel da basa dal Ceneri (avertura ca. fin 2020).
RR novitads 12:00