Gottard 2016: Ils promis

Merkel, Hollande e Renzi èn partids cun Johann Schneider-Ammann per il viadi inaugural tras il tunnel. Ultra da quai èn er il priminister dal Liechtenstein Adrian Hasler ed il chanzelier da l'Austria Christian Kern stads da la partida.

Laschar ir video «Schefs da stadi laudan la Svizra, tranter auter er Angela Merkel»

Schefs da stadi laudan la Svizra, tranter auter er Angela Merkel

2:42 min, Telesguard dals 1.6.2016

Laschar ir video «Angela Merkel im Zug nach Pollegio»

Angela Merkel fa cumpliments a la Svizra

2:05 min, dals 1.6.2016

Laschar ir video «François Hollande: «Die Schweiz ist in der Lage den Norden und den Süden zu verbinden.»»

François Hollande: «La Svizra po unir il nord ed il sid.»

2:03 min, dals 1.6.2016

In dals promis ils pli enconuschents en connex cun il Gottard è l'anteriur Cusseglier federal Adolf Ogi. El ed il Cusseglier dals chantuns dal Grischun Martin Schmid han dà pled e fatg al di da l'avertura.

Dasper l'entira prominenza politica, il Cussegl federal, il Cussegl dals chantuns ed il Cussegl naziunal èn stads envidads radund 1'100 giasts a l'avertura dal tunnel da basa dal Gottard. Tranter quels er la chanceliera tudestga Angela Merkel, il president franzos François Hollande ed il primminister talian Matteo Renzi.

Nizzegiar la chaschun cun Merkel ed Hollande

Il president da la Confederaziun, Johann Schneider-Ammann ha ditg en in'emissiun speziala da SRF ch'el veglia nizzegiar quest di er diplomaticamain. «Nus vulain mussar che nus essan solidaris cun l'Europa. Nus avain dentant aspectativas. Suenter la fin d'emna da Brexit vulain nus vegnir a pled. Nus duvrain ina nova cunvegna enfin il favrer 2017 - ina cunvegna che omaduas partidas acceptan. Durant questa atmosfera pli lucca dad oz vegnin nus a nizzegiar questa schanza.»

RR novitads 06:00+