Ils interprendiders na duajan betg pli sulet maximar il gudogn mabain era esser vairs patruns, ha Gössi ditg en la Basler Zeitung. Era duajan las interpresas esser conscientas da lur responsabladad sociala e betg relaschar collavuraturs pli vegls, ha ditg la presidenta da la PLD.
Tgi che perdia cun passa 50 onns la plazza n'haja betg grondas schanzas da puspè chattar ina plazza perquai ch'els èn memia chars. Quellas persunas vegnian remplazzadas entras pli giuvens u tras esters.
Sbassar contribuziuns per la cassa da pensiun
Pensum da la politica saja da procurar persuenter ch'ils lavurers pli vegls e cun experientscha vegnian pli bunmartgads. Quai per exempel tar la cassa da pensiun. Dentant saja er l'economia responsabla da dar ina schanza a persunas pli veglias sin il martgà da plazzas.
Plinavant duain interpresas gidar als pli vegls da tegnair cun cun la digitalisaziun tras perfecziunament e furmaziun. La politica procuria per las cundiziuns da rama per che las fatschentas n'hajan betg consequenzas negativas perquai ch'els emploieschian persunas pli veglias.