Siglir tar il cuntegn
Inhalt

Svizra Gössi pretenda «midada da pratica» tar politica d'asil

La nova presidenta dals liberaldemocrats Petra Gössi pretenda ina «midada da la pratica» tar la politica d'asil. Vul dir: Controllas da cunfin pli severas, dapli expulsiuns e dapli cunvegnas da prender enavos fugitivs. Plinavant saja l'expulsiun da persunas da l'Eritrea da principi «raschunaivla».

Petra Gössi pleda per mesiras pli rigurusas areguard ils fatgs d'asil en Svizra.
Legenda: Petra Gössi pleda per mesiras pli rigurusas areguard ils fatgs d'asil en Svizra. Keystone

Sco Petra Gössi ha ditg envers la «Basler Zeitung» na giaja ella betg d'accord cun il giudicament che requirents d'asil da l'Eritrea na possian betg vegnir tramess enavos perquai ch'els stoppian quintar da vegnir persequitads u torturads en lur pajais:

Natiralmain sto il singul cas vegnir examinà. Per requirents d’asil eritreans po in’expulsiun dentant esser raschunaivla.
Autur: Petra Gössipresidenta PLD Svizra

La nova presidenta da la PLD crititgescha plirs aspects da la politica d’asil svizra. Bain saja ella da l’avis che saivs da spinas als cunfins na fetschian nagin senn. I saja dentant da far controllas pli severas als cunfins. Cunquai ch’i saja bainbaud da far quint che «blers fugitivs» arrivian puspè da l’Italia, stoppian ins agir sveltamain.

RR novitads 08:00