Siglir tar il cuntegn
cuntegn

Svizra Glista da plazzas cun obligaziun d'annunzia è confermada

Davent dal fanadur ston plazzas da lavur libras da professiuns cun ina quota da dischoccupaziun da passa 8% vegnir annunziadas als Centers regiunals per intermediaziun da lavur (RAV).

Ina cussegliadra dal RAV avant ils visurs dal computer cun plazzas scrittas ora.
Legenda: Il Cussegl federal ha confermà la glista da las plazzas che ston vegnir annunziadas al RAV. Keystone

Davent da l'emprim da fanadur ston interpresas ed autoritads annunziar a l'intermediaziun da lavur publica plazzas libras da tuttas professiuns cun ina quota da dischoccupaziun da 8% u dapli. Il Cussegl federal ha confermà la glista da las professiuns obligadas a l'annunzia ch'il SECO ha publitgà gia l'avrigl.

Uschia duain indigenas ed indigens avair in avantatg sin il martgà da lavur. L'obligaziun d'annunzia stat en connex cun la lescha per realisar l'iniziativa d'immigraziun da massa. Davent dal 2020 duai la limita da dischoccupaziun vegnir sbassada da 8 sin 5%.

RR novitads 12:00