Siglir tar il cuntegn

Svizra Glisch verda per pendiculara da colliaziun al Jungfraujoch

La Confederaziun fa tar il project da 400 milliuns francs dentant cundiziuns per l'ambient e la cuntrada.

La paraid nord da l'Eiger tar la «Kleine Scheidegg».
Legenda: La gondla planisada duai passar sper la paraid nord da l'Eiger ora. Keystone

L’Uffizi federal da traffic ha approvà ina pendiculara da colliaziun da 400 milliuns francs da Jungfraujoch e partenaris. Quai dentant cun cundiziuns fatgas dal post spezialisà per ambient da la Confederaziun e dal chantun, las organisaziuns da l'ambient e dad ulteriurs protestaders.

Project dispitaivel

Grondas resalvas hai sur tut dà pervi da la nova pendiculara da Grindelwald perquai ch'ella passa davant la paraid dal nord da l'Eiger vi. Critichers avevan ditg che quella prendia la vista sin la paraid da l’auter. Tranter auter vegnan uss perquai las pitgas fatgas pli pitschnas.

Plinavant datti cundiziuns tar la colur da las gondlas ed ina galaria al pe da l’Eiger. Gia dapi plirs onns procura quest project per discussiuns en la Part Sura Bernaisa. En tut hai dà 17 recurs.

RR novitads 11:00