Siglir tar il cuntegn

Header

Glencore cun sedia a Baar en il chantun Zug.
Legenda: Glencore cun sedia a Baar en il chantun Zug. Keystone
cuntegn

Svizra Glencore cun sperdita da milliardas

L’interpresa commerziala da materia prima Glencore ha fatg l’onn passà in sperdita da tschintg milliardas dollars. Il gudogn da manaschi è sa reducì per 30%.

Il segund grond concern da la Svizra patescha e sa chatta ferm en la crisa pervia dals bass pretschs dal martgà mundial per arom, charvun ed autras materias primas.

L’onn 2014 aveva Glencore anc fatg in gudogn da 2,3 milliardas dollars. Il 2015 ha il concern Glencore dapertut stuì magunar in minus. Uschia è la svieuta sa reducida sin bun 170 milliardas dollars. Quai èn passa 50 milliardas u 23% pli pauc che l’onn avant.

RR novitads 10.00