Siglir tar il cuntegn

Header

purtret da la furmaziun.
Legenda: Ina furmaziun da grip al Schilthorn bernais. Keystone
cuntegn

Glaziologia Schelira permanenta sdreglia adina pli fitg

La schelira permanenta en Svizra sdreglia adina pli fitg. Quai demussan mesiraziuns da la rait da mesiraziuns Permos dals onns 2019/20.

Las stresas da schelira permanenta ch'èn sdregliadas èn uschè grossas sco anc mai. Al Schilthorn en il chantun Berna è il terren sdreglià la stad fin en ina profunditad dad 11 meters ed er sin il pass dal Flüela sajan ils emprims 3 meters sdregliads.

Las temperaturas da l'aria en ils auts, sajan stadas durant l'enviern fin ad 1° Celsius pli autas che la media dals davos onns. Latiers haja dà gia baud naiv ch'haja isolà il terren.

Sco schelira permanenta vala terren ch'è schelà sur onn. En Svizra è quai radund 5% da la surfatscha. Sdreglia quest terren, perda quel stabilitad ed i po dar bovas u crudadas da crappa.

Pli chaud er en stresas anc scheladas

Er en las stresas pli basas han las temperaturas per part surpassà las temperaturas da record dal 2015. Uschia è la temperatura al Stockhorn tar Zermatt VS s'augmentada en 20 meters profunditad per 0,8°C.

RTR novitads 06:00

Artitgels legids il pli savens

Scrollar a sanestra Scrollar a dretga