Il parlament chantunal aveva dà l'incumbensa a la regenza d'examinar l'utilisaziun d'in agid electronic per las votaziuns. Tras ils scleriments è vegnì enconuschent, ch'i na dettia anc naginas metodas tecnicas che sajan bunas avunda. Ultra da quai na vul la regenza betg limitar las cumpetenzas dal landamma e dal president da la regenza.
Glaruna è conscienta dals deficits
La politica e la populaziun èn conscients dal fatg, ch'il sistem da cumins ha tscherts deficits, sco per exempel ch'i dat nagin secret da votaziun u ina tscherta marscha da sbagls davart il dumbrar vuschs. Las vuschs vegnan calculadas e betg dumbradas. Da quels sbagls duain vegnir eliminads tenor pussaivlad - dentant mo uschè lunsch ch'il esser dal cumin na vegn betg tangà.
Il chantun Appenzell Dadens dumbra las vuschs
Sper Glaruna datti anc in auter chantun che tegna cumin: Appenzell Dadens. Appenzell Dadens dumbra dentant las vuschs, sch'il calcular na furnescha nagin resultat cler.
RR novitads 17:00