Siglir tar il cuntegn

Svizra Giuvens liberals svizzers èn per franar ils debits da l'AVS

Plinavant sustegnan els la medema vegliadetgna da renta per umens e dunnas, in cumenzament dalla pensiun flexibel sco er ina tariffa da conversiun independenta da la politica.

Andri Silberschmidt, il president dals Giuvens liberals svizzers, qua a chaschun d'in congress il mars 2016.
Legenda: Andri Silberschmidt, il president dals Giuvens liberals svizzers, qua a chaschun d'in congress il mars 2016. Keystone

Quai han ils delegads dals Giuvens liberals approvà en furma d'in palpiri da posiziun a chaschun da lur radunanza la sonda. Per las instituziuns da la prevenziun per la vegliadetgna saja quai la soluziun liberala per sortir or da la situaziun finanziala difficila, ha communitgà la partida. Entant che l'aspectativa da vita creschia adina pli fitg, haja la politica manchentà d'instradar a temp refurmas.

Plinavant èn ils delegads s'exprimids en favur da la refurma da l'imposiziun da taglia sin interpresas III. Sche l'imposiziun da taglias sin interpresas na vegnia betg adattada a standards internaziunals, vegnian interpresas a bandunar la Svizra e plazzas da lavur giessan a perder, uschia la posiziun dals Giuvens liberals. Perquai vulan els cumbatter il referendum da la Partida socialdemocratica.

RR novitads 12:00