Siglir tar il cuntegn
cuntegn

Svizra Giuvenils sut squitsch d'in ideal da bellezza

Giuvenils èn confruntads en reclamas ed en medias socialas cun fotografias da purtrets ideals da dunnas e umens che na correspundan betg a la realitad. Da congualar sasez cun quels purtrets ideals metta ils giuvenils sut in grond squitsch psichic. Quai mussa ina retschertga da la Pro Juventute.

Vista sin app's da medias socialas sin in handy.
Legenda: Medias socialas pon esser in privel per giuvenils. Keystone

Per vegnir pli datiers al purtret ideal mettan ils giuvenils sin plattafurmas sco facebook, instagram, twitter u autras medias socialas fotografias da sa sasez che na mussan betg la vardad e che na correspundan betg a lur persunalitad.

Reducir confidenza

Il squitsch da vulair esser sco ils stars po chaschunar malsegirezzas e reducir la confidenza en sasez. Las consequenzas pon er esser problems psichics e corporals.

Lantschà campagna

Per gidar als giuvenils ha la Pro Juventute lantschà la campagna “Echtes Leben”. Cun la campagna vul la Pro Juventute far attent sin il problem e rinforzar ils giuvenils da crair vi da sasez.

La bellezza manipulada

L'ideal da bellezza vegn manipulà di per di. Bler vegn fatg cun fotoshop – in program per curreger ed idealisar la bellezza tenor gust. Il video suandond mussa co quai funcziunà en il mund da las reclamas.