A Pfäffikon en il chantun Turitg ha in giuven svizzer da 19 onns mazzà ier saira ses bab da 67 onns. Silsuenter è el s'annunzià tar la polizia. Davart dal motiv n'ha la polizia chantunala fatg naginas indicaziuns.
Policists hajan chattà la bara dal bab (67) en l’abitaziun da pliras famiglias, nua ch’els stevan ensemen. La mamma na viva betg en questa abitaziun.
La polizia crai che l’act è succedì uschia sco quai ch’il fegl ha descrit quel, uschia in pledader da la polizia. Dapli na vul la polizia betg communitgar or da “raschuns tacticas da retschertga”. In procuratur public ha interrogà il delinquent probabel.
