L'entschatta da l'onn ha la Pro Infirmis lantschà ina concurrenza da video per il premi cristal cun il tema «Nus n'ans laschain betg impedir». En tut èn 26 videos vegnids inoltrads.
La giuria ha gì l'incumbensa da valitar ils 10 megliers videos. Da la giuria ha fatg part la presidenta da la regenza grischuna Barbara Janom Steiner ed er il president da la Pro Infirmis Grischun, Martin Candinas.
La Giuvaulta-Band ha realisà il slogan a moda creativa e cun ina qualitad musicala impressiunanta.
Quai ha Candinas ditg mesemna saira tar la surdada dal premi en l'auditori da la BCG. Il premi è dotà cun 2'000 francs. Sin il segund rang è la classa dal stgalim superiur da Tusaun, ch'ha realisà cun ses scolast Roman Caviezel ed il protagonist Reto Caviezel in video da musica expressiv. Sabrina Janigg ha animà cun ses accordeon da chantar cun ella ed ha cuntanschì il terz rang.
RR novitads 06:00
