Karaoke da powerpoint é in gieu d’improvisaziun. Durant il gieu vegn preschentà in tema cun agid da folias da power point ch’ins n’enconuscha betg oravant.
Il pli bler applaus vala
A Son Gagl datti concurrenzas da karaoke da powerpoint. A la concurrenza pon participar 8 persunas che cumbattan in cunter l’auter cun improvisar e blera fantasia. Las prestaziuns dals participants vegnan mesiradas cun l’applaus dals aspectaturs e cun puncts d’ina giuria. La finamira da l’eveniment n’è en emprima lingia betg da gudagnar, mabain da divertir ils aspectaturs.