Siglir tar il cuntegn

Svizra Gist 4 «Swiss Music Awards» per Nemo

Venderdi saira èn vegnids surdà per la 11avla giada en il stadion da halla a Turitg ils pli impurtants premis da musica da la Svizra – ils «Music Awards 2018». Il grond victur – il rappunz Nemo. Betg main che quatter premis ha il giuven da 18 onns da Bienna gudagnà.

Nemo surprenda il premi.
Legenda: Il giuven da 18 onns Nemo vala sco talent excepziunal. Keystone

Tranter auter ha Nemo survegnì in Swiss Music Award sco meglier artist sin tribuna e per il meglier hit. Actualmain fa Nemo ina pausa creativa sco el aveva annunzià gia avant in temp.

Da nov posseda il rappunz Nemo totalmain 5 «Swiss Music Awards». Il davos onn ha il giuven da 18 onns obtegnì il premi per il «SRF 3 Best Talent» 2017.

En tut èn artistas ed artists naziunals ed internaziunals vegnids onurads en 12 categorias. Las bleras decisiuns èn crudadas cun votar online. Sulet per tscherner il meglier hit haja dà in voting da telefon ed sms.

Swiss Music Awards 2018

SRF 3 Best Talent 2018Crimer
Best Female Solo ActEliane
Best Male Solo ActNemo
Best GroupZüri West
Best Breaking ActNemo
Best Live ActNemo
Best Act RomandieDanitsa
Best AlbumZüri West «Love»
Best Solo Act InternationalEd Sheeran
Best Breaking Act InternationalRag'n'Bone Man
Best Group InternationalImagine Dragons
Best Hit InternationalEd Sheeran «Shape of You»
Tribute AwardMartin Ain (Celtic Frost)
Best HitNemo

RR novitads 06:00