Siglir tar il cuntegn

Svizra Gisel survegn sustegn dal nov president da la Raiffeisen

Tar ina conferenza da medias ha il president ad interim dal cussegl d'administraziun da la Raiffeisen ditg ch'el haja confidenza per Patrik Gisel, il schef da la Raiffeisen.

Purtret Patrik Gisel
Legenda: Anc vegn il schef da la Raiffeisen Patrik Gisel sustegnì. Keystone

Il president ad interim da la Raiffeisen Pascal Gantenbein sustegn il schef da la Raiffeisen Patrik Gisel. El haja confidenza en Gisel. Ed uss giaja per quai da tschentar in segn ed ir vinavant ensemen. Patrik Gisel era vegnì crititgà en connex cun l'affera da Pierin Vincenz.

Pascal Gantenbein è succedì ad interim a Johannes Rüegg-Sturm che ha dà giu ses post la gievgia.

Rüegg-Sturm less sclerir il cas

Johannes Rüegg-Stürm ha ditg ch'el veglia sclerir tut quai che saja capità. Societaris e clients sajan irritads, per part era frustrads. Uss dovria quai transparenza.

RR novitads 12:00