Siglir tar il cuntegn

Svizra Gì raschun da sistir la procedura

Las autoritads giudizialas dal Vallais han gì raschun da sistir la procedura penala en connex cun il grev accident da bus avant 3 onns. A questa conclusiun vegn il Tribunal federala. Ils geniturs da dus uffants sa disgraziads avevan inoltrà in recurs cunter la sistida.

accident en in tunnel, auto da pumpiers da vart sanestra, in bus donnegià ferm da vart dretga
Legenda: Il bus da la Belgia è charrà frontalmain cunter ina paraid en il tunnel sin l'autostrada A9 a Siders VS. Keystone

Els èn da l'avis ch'i dovria ulteriuras examinaziuns cunquai ch'il manischunz dal bus aveva da prender antidepressiva. Il Tribunal federal argumentescha sia sentenzia uschia ch'ina accusaziun saja sclaussa cunquai ch'il manischunz dal bus è mort tar l'accident. In process civil saja dentant era pussaivel suenter questa sentenzia.

Tar l'accident dal mars 2012 eran 28 persunas mortas. Tranter quellas 22 uffants da la Belgia ch'avevan fatg vacanzas da skis en Svizra. Tenor il rapport da l'accident era inattenziun u ina flaivlezza dal manischunz la raschun.

RR novitads 14:00