Siglir tar il cuntegn
cuntegn

Svizra Gerhard Pfister è elegì

Il nov president da la PCD e successur da Christoph Darbellay ha num, sco spetgà, Gerhard Pfister.

Christoph Darbellay gratulescha a Gerhard Pfister
Legenda: Christoph Darbellay gratulescha a Gerhard Pfister Keystone

Il cusseglier naziunal dal chantun Zug, Gerhard Pfister, è vegni elegì sco nov president da la partida cristiandemocratica. Ils delegads han elegì el cun 340 da 376 vuschs. Sco vicepresidenta è reelegida Ida Glanzmann e sco vicepresident Yannick Buttet.

Dapli influenza grischuna en PCD

Plinavant èn vegnids elegids gist dus Grischuns en il pli impurtant gremi directiv da la partida naziunala, numnadamain il cusseglier naziunal Martin Candinas ed il deputà dal Cussegl grond Tino Schneider.

Cun l'elecziun da Candinas e Schneider vegnia rinforzada l'influenza grischuna aifer la partida naziunala, scriva la PCD Grischun.

Darbellay di adia

En ses pled da cumià ha Darbellay ditg che quests 10 onns en uffizi da president sajan stads bels onns. I spetgia dentant blera lavur sin ses successur. La partida stoppia surtut fitgar pe en chantuns cun blera populaziun. I saja enorm impurtant che la partida cristiandemocrata saja derasada en l'entira Svizra, ha Darbellay punctuà.

RR novitads 15:00