Siglir tar il cuntegn
Inhalt

Svizra Geniturs cun giuvenils en scolaziun duain vegnir distgargiads

Las cumissiuns socialas dal Cussegl naziunal e dals chantuns vulan distgargiar geniturs cun uffants en scolaziun. Supplements da scolaziun duain vegnir pajads en l'avegnir a partir dal cumenzament d'ina scolaziun, er sch'ils giuvenils n'èn anc betg 16.

Giuvenil che fa in emprendissadi.
Legenda: Geniturs cun giuvenils en scolaziun duain vegnir sustegnids finanzialmain pli ferm (maletg da simbol). Keystone

Oz datti enfin 16 onns mo ils supplements d'uffants, ch'èn in pau pli bass. La fatschenta vegn uss avant il parlament. A questa midada ha animà il cusseglier naziunal dal Soloturn Stefan Müller-Altermatt da la PCD.

Motivaziun

Stefan Müller-Andermatt ha argumentà, che la pratica dad oz na correspunda betg pli a la realitad. Blers giuvenils cumenza oz gia cun 15 onns ina scolaziun u visitan ina scola cuntinuanta. Questa midada pudess distgargiar ils geniturs. Il temp cura ch'ils giuvenils fetschian ina scolaziun u visitian ina scola cuntinuanta saja per bleras famiglias in temp finanzialmain pretensius.

RR novitads 15:00