Siglir tar il cuntegn

Svizra Genevra: procura publica avra ulteriura procedura penala

Suenter l’arrestaziun da duas persunas a Genevra il venderdi ha la procura publica avert in'ulteriura procedura penala. Las persunas vegnan suspectadas d’avair producì, zuppà e distribuì material explosiv e gas toxic.

In policist stat guardia.
Legenda: Davant la sedia da l’ONU ed a l’eroport eran las mesiras da segirezza vegnidas rinforzadas. Keystone

Ils dus suspectads eran vegnids arrestads il venderdi en la regiun da Genevra e sa chattan actualmain en arrest d’inquisiziun. Ad els vegnì renfatschà d’aviar violà la lescha federala che scumondan gruppaziuns sco «Al-Kaida» ed il «Stadi Islamic».

Dapli mesiras da segirezza a Genevra

Or d’in privel nunprecis saja daventà in concret, uschia il Departament per segirezza ed economia. En consequenza aveva la procura publica avert ina procedura penala cunter nunenconuschent pervi dal suspect d’avair sustegnì in’organisaziun criminala. Tenor la presidenta federala Sommaruga avevan las autoritads federalas survegnì in’indicaziun d’autoritads da l’exteriur.

RR novitads 16:00