Siglir tar il cuntegn
Inhalt

Svizra Genevra pretenda enavos la taglia sin la plivalur

La taglia sin la plivalur ch'è vegnida incassada nungiustifitgadamain sin las taxas da radio e televisiun duai vegnir restituida automaticamain.

ina brev da la Billag che vegn averta
Legenda: La Billag ha incassà plirs onns nungiustifitgadamain taglia sin pli valur sin las taxas da radio e televisiun. Keystone

Quai pretenda il parlament chantunal da Genevra cun in'iniziativa parlamentara al parlament federal. Il Cussegl grond da Genevra ha approvà quasi unanimamain ina resoluziun.

Per mintga pajataxas vai per 110 francs dals onns 2005 fin il 2015. Pertutgads sajan radund trais milliuns tegnairchasa e 110'000 interpresas. La chaussa è dentant anc pendenta tar il Tribunal federal a Losanna.

Il Tribunal federal administrativ aveva gia da raschun a las organisaziuns da consuments ed ad ina persuna privata che avevan fatg recurs e pretendì enavos la taglia sin la plivalur sin las taxas da radio e televisiun. Quella decisiun ha l'Uffizi federal da communicaziun (BAKOM) tratg enavant al Tribunal federal per sclerir per quants onns enavos ch'i saja da restituir la taglia sin plivalur, incassada nungiustifitgadamain.

RR novitads 07:00