Il cusseglier guvernativ da Genevra, Pierre Maudet ha annunzià da demissiunar. El haja decis da dar giu ses mandat. Quai ha il politicher dispitaivel ditg ad ina conferenza da medias. Plinavant ha Maudet dentant er ditg ch’el vegnia puspè a candidar sco cusseglier guvernativ.
L'affera Maudet fatschenta la politica da Genevra dapi passa dus onns. Cunter el è vegnì investigà, perquai ch'el duaja avair prendì encunter sco commember da la regenza differents regals – tranter auter in viadi da luxus ad Abu Dhabi.