La fotografia cun ina critica envers il president tirc resta a Genevra. Il cussegl da la citad da Genevra ha renvià la pretensiun dad Ankara d’allontanar quella d'ina exposiziun. Guillaume Barazzone, il cusseglier da la citad da Genevra ha ditg envers SRF: «Genevra na sa lascha betg influenzar - da nagin pajais. Genevra e la Svizra stattan per la libertad d'opiniuns. Perquai na vegni betg en dumonda d'allontanar questa foto.»
Sin la foto sin la Place des Nations ves'ins in placat cun l'inscripziun: «Mes num è Berkin Elvan e la polizia ha mazzà mai sin cumond dal prim-minister tirc.»
RR novitads 14:00
