Siglir tar il cuntegn

Header

Navigaziun

Persuna che legia novitads sin il tablet.
Legenda: Medias modernas Ils blers Europeans vegnissan da desister d'infurmaziuns actualas e da novitads. Colourbox
cuntegn

Generation What Ventiraivel era senza novitads

Nagin klatsch, nagin tratsch, dentant era naginas autras infurmaziuns tge che capita en il mund. Savessas ti star senza?

Sin la dumonda «Pudessas ti esser cuntent senza infurmaziuns actualas e novitads?» din dus terzs dals Svizzers cleramain gea. Tranter las spartas umens ni dunnas na ves'ins betg ina gronda differenza. Tar ils giuvenils tranter 16-17 onns avessan pli blers fadia da stuair viver senza las infurmaziuns actualas e las novitads, dentant anc adina 56% che din gea. Fin ils 9 d'avust 2016 han dentant be 275 persunas respundì a questa dumonda. Quà pos er ti far part a la retschertga!, il link avra en ina nova fanestra

Mo quatter pajais respundan na

En l’Italia vesa il resultat ora tut auter. Là èsi da quai da 60% da las persunas che pudessan betg viver senza infurmaziuns actualas e novitads. Be anc la Germania, il Luxemburg e la Frantscha han respundi cun dapli vuschs da na a questa dumonda.

Dapertut è dentant da vesair il trend ch’ils giuvens (16 - 17 onns) avessan dapli fadia da desister da las infurmaziuns actualas e novitads ch’ils pli vegls.

Pertge pudess quai esser uschia?

Nus vivain en in temp d’infurmaziuns e da medias che porschan fitg bler en curt temp ed a moda e maniera fitg vasta. Mintgatant forsa er memia bler? En in tal mund èsi betg da smirvegliar ch’ins vul magari laschar da la vart las medias.

Tge pensas ti? Ta participescha er ti al questiunari online «Generation What?».

Las datas numnadas en quest artitgel sa midan cuntinuadamain.