Siglir tar il cuntegn

Header

video
Generation What - Davent da cura è insatge pornografic per tai?
Or da Battaporta dals 22.08.2016.
laschar ir. Durada: 3 minutas 20 Secundas.
cuntegn

Generation What Pornos n'èn betg leghers

Per bunamain mintga segunda persuna giuvna svizra ch'ha respundì a las damondas èn pornos ina chaussa privata. Per ils giuvens pli savens che per las giuvnas. Per mintga tschintgavel èn pornos ina u l'autra giada interessants.

Sumgliant sa mussa quai era tar noss pajais vischins sco per exempel l’Italia. Qua respundan 37% da las persunas giuvnas che han respundì a las dumandas che pornos sajan per els ina chaussa privata. Per 21% da las persunas giuvnas en l'italia en pornos ina giada u l’autra interessant.

(Damai che la retschertga cuntinuescha da fertant tiers, pon las cifras sa midar.)

Las differenzas sa mussan tranter um e dunna

Ils umens giuvens en Svizra che han respundì il questiunari respundan cun 56% che pornos sajan per els privat. Sulet ils umens da 34 onns e pli vegl taxeschan pornos sco stimulants (22%). Tar ils giuvens tranter 16 e 34 onns èn quai pli paucs.

Da las dunnas giuvnas svizras ch'èn sa participadas al questiunari taxeschan 34% pornos sco ina chaussa privata. Mintga quarta dunna giuvna ch’è sa participada a l'enquista chatta pornos ina giada u l’autra interessant. Tar ils umens giuvens èn quai be 14%.

Pudessas esser cuntent senza sex

La gronda part da las persunas giuvnas ch’èn sa participadas al questiunari èn dal avis «Na». Ellas na pudessan betg esser senza sex. Il pli cler è quai verdict en Grezia cun 86%. Il pli pauc cler en Finlanda nua che mintga segund di ch’el pudessi renunziar sin sex.

En Svizra han 75% da las persunas giuvnas ch’han respundì al questiunari ditg ch’els na fissan betg cuntents senza sex. Er tranter um e dunnna na datti betg grondas differenzas. Ma dapli dunnas giuvnas (78%) dian «na» perencunter dian be 71% dals umens giuvens «na».

En Pologna respundan 57% da las giuvnas ch’ellas pudessan esser cuntentas senza sex. Ina excepziun furma la Finlanda. Qua èn 53% dals giuvens umens ch’han respundì a las dumondas dal avis da pudair esser cuntents senza sex. Tar las dunnas giuvnas en Finlanda èn perencunter 54% dal avis ch’ellas na pudessan betg esser cuntentas senza sex.

E ti? Tgei muntan pornos per tai? È quai per tai ina chaussa privata u ina u l'autra giada interessant? Ta participescha er ti al questiunari online «Generation What?».

Artitgels legids il pli savens