Generation What?
En Svizra dian 80% dals giuvenils dumandads ch'els pudessan viver bain senz'auto. Sumegliant vesa quai er ora tar ils giuvenils en il rest da l'Europa. En nagin pajais di la maioritad dals dumandads ch'els na pudessan betg s'imaginar da viver senza in auto.
Tenor las cifras da l'uffizi federal per statistica fan er adina damain giuvenils la patenta dad ir cun auto. Tar ils giuvenils tranter 18 fin 24 onns è il dumber da las persunas ch'han fatg la patenda numnadamain sa reducì tranter il 1994 ed il 2010 da 71% sin 59%.
L'auto è post da custs il segund grond
In auto custa blers daners – per ils medems daners pon ins ir lunsch cun ils meds publics u cun il taxi. Las expensas per l'auto èn numnadamain il segund grond punct da custs suenter l'habitar en ils budgets da las chasadas.
Ma co veasas ti quai? Has ti in auto u pos ti viver bain senza? Ta participescha er ti al questiunari da Generation What.