En Svizra inditgeschan passa 40% da las giuvnas e dals giuvens ch’els fissan il pli gugent baud independents. Il tema «sa chasar» è per ils pli paucs impurtant. Da las passa 3'000 persunas ch'han fin ussa respundì al questiunari dian sulet 5% ch'il sa chasar en in lieu saja in factur relevant. Ma cun tge ha quai da far?
Munta quai ch'ils giuvenils svizzers d'ozendi laschan avert tut las portas e vulan esser libers?
Spagnols, Portugais e Franzos vulan chattar sasez
Sumegliant vesa quai er ora en ils pajais scandinavs, la Gronda Britannia e plirs pajais da l’ost. Per ils giuvenils en Spagna, il Portugal e la Frantscha perencunter èsi pli impurtant ch’els chattian sasez ed ina buna via en lur vita. Las datas sa midan cuntinuadamain. Il questiunari da Generation What è anc avert fin l'avrigl 2017.
E tge giavischasses ti per tes futur? Ta participescha er ti al questiunari «Generation What?».