Siglir tar il cuntegn

Header

cuntegn

Svizra General Electric stritga 1'400 plazzas en Svizra

Pertutgads èn ils lieus da procucziun Baden, Birr ed Oberentfelden en il chantun Argovia.

Il concern american General Electric (GE) stritga 1'400 plazzas da lavur en Svizra. En tut ha GE actualmain radund 4'500 emploiads en Svizra. Pertutgads da la reducziun da plazzas èn ils lieus da producziun Baden, Birr ed Unterentfelden. Tuts trais lieus sa chattan en il chantun Argovia. Sco quai che GE ha communitgà la gievgia, na duain ils lieus però betg vegnir serrads dal tut.

Reducziun da plazzas aifer dus onns

Per ils emploiads pertutgads duai dar in plan social. La reducziun da plazzas duai succeder en il decurs dals proxims dus onns. GE veglia s'engaschar che tut ils pertutgads chattian puspè ina plazza da lavur, ha declerà Michael Rechsteiner, il Vice President & CEO Power Service Group. Raschun per la reducziun da plazzas è tranter auter la regressiun sin il martgà per implants da gas termics.

Frida per il chantun Argovia

Per il chantun Argovia munta la reducziun da plazzas ina ferma frida, ha ditg il cusseglier guvernativ Urs Hofmann da la PS. Che pliras tschient plazzas da lavur restian a Birr ed Oberentfelden, saja la consequenza da las stentas da la regenza. Ensemen cun ils sindicats vul il Cussegl guvernativ s'engaschar uss per ina reducziun da plazzas pli bassa.

RR novitads 15:00

Artitgels legids il pli savens