Siglir tar il cuntegn

Header

cuntegn

Svizra GEA a la lescha per survegliar assicurads socials

La Svizra accepta cun 65% la lescha che permetta che detectivs observan persunas assicuradas. En il Grischun han ils votants acceptà la lescha cun bunamain 70%.

Il pli grond sustegn ha l'iniziativa chattà en il mez chantun Appenzell Dadens, quai cun passa 81%.

Lescha per survegliar assicurads socials

Svizra: Lescha per survegliar assicurads socials

  • GEA

    64.7%

    1'666'816 Vuschs

  • NA

    35.3%

    910'354 Vuschs

In zic trumpà – dentant losch sin quai ch’els han prestà. Uschia resumescha in dals iniziants, Dimitri Rougy, il resultat da la votaziun. Ils iniziants avevan prendì il referendum encunter la lescha deliberada dal Parlament federal, uschia che quella è insumma vegnida a l’urna. Cuntrari il cusseglier naziunal Adrian Amstutz (PPS) ch'ha defendì la lescha e l’idea che detectivs socials pon observar persunas assicuradas sut tschertas cundiziuns. La lescha entra en vigur il cumenzament dal 2019.

audio
Reacziuns sin GEA a la lescha per survegliar assicurads socials
ord Actualitad dals 25.11.2018. Maletg: Keystone
laschar ir. Durada: 2 minutas 23 Secundas.

Resultats grischuns

Ils Grischuns acceptan l'iniziativa cun 70%. Sulettamain las vischnancas Valragn e Lon refusan l'observaziun dad assicurads cun 59% e 50%.

Da tuttas vischnancas grischunas hai dà il pli cler GEA a Buseno cun 91%. La pli gronda participaziun a la votaziun hai da a Lon, quai cun 79%.

RTR votaziuns

Artitgels legids il pli savens