Siglir tar il cuntegn
Inhalt

Svizra Gastrosuisse elegia Annalisa Giger en la suprastanza

La 127avla radunanza da delegads da la GastroSuisse a Locarno ha elegì il mardi Annalisa Giger da l’Hotel Alpsu a Mustér en la suprastanza naziunala. Quai scriva GastroGrischun en ina communicaziun a las medias.

Els trais en portrait.
Legenda: GastroGrischun s'allegra per e cun Annalisa Giger: Marc Tischhauser (GastroGrischun), Annalisa Giger (GastroSuisse) e Franz Sepp Caluori (GastroGrischun). mad

GastroGrischun sa mussa fitg cuntent da l’elecziun dad Annalisa Giger. Cun ella survegnissan il Grischun, las regiuns muntagnardas e las gestiuns da stagiun «ina vusch cun paisa ed experientscha» en la suprastanza naziunala da l’uniun per hotellaria e gastronomia.

La legislatura da la suprastanza novelegida cumenza il prim da fanadur 2018 e dura trais onns. Ella vegn presidiada da Casimir Platzer da Kandersteg.

RR novitads 16:00