Siglir tar il cuntegn
Inhalt

Svizra Gasettas guardan gia sin elecziuns dal cussegl federal

Dus temas han dominà ils commentaris da las gasettas areguard las elecziuns federalas. Ils motivs per la victoria istorica da la PPS, sco er il success da la PLD sin custs da las partidas giuvnas e la pretaisa da la PPS per in segund sez en il cussegl federal.

Gasettas svizras il di suenter las elecziuns.
Legenda: Gasettas svizras il di suenter las elecziuns. RTR, G. M. Maissen

Per la «Neue Zürcher Zeitung» n’è la victoria da la PPS e da la PLD betg nunspetgada e munta in «return a la normalitad». Sche la populaziun pensia auter che grondas parts dal parlament, sajan «correcturas ina giada inevitablas». La nova nunsurvesaivladad dals ultims onns saja per entant istorgia.

Era la «Berner Zeitung» n’è betg surprendida dals resultats da las elecziuns. En retschertgas sajan vegnids numnads temas sco grondas sfidas, nua ch'avant tut la PPS possia far puncts. Asil e fugitivs, immigraziun, UE ed Europa. «Igl eran quels temas che han dominà las debattas avant las elecziuns». Il «Tages-Anzeiger» vesa la Svizra suenter las elecziuns sco «pajais dividì».

Ils commentaturs fan era la storscha sin las elecziuns dal cussegl federal dals 9 da december. Tenor la «Basler Zeitung» saja quai cler che la PPS sco pli gronda partida haja il dretg sin dus sezs.

RR novitads 7:00