Siglir tar il cuntegn

Header

cuntegn

Svizra Gasettas duain arrivar ad ura en stgaffa da brevs

Martin Candinas vul reglar enfin tge uras che la posta duai esser distribuida en Svizra.

audio
Bunura: Moziun Martin Candinas - distribuziun da la posta
ord Actualitad dals 29.09.2016.
laschar ir. Durada: 2 minutas 8 Secundas.

Il Cussegl federal duai adattar la basa legala, uschia che la posta stoppia esser repartida enfin las 12:30 en l'entira Svizra. La Posta saja in'interpresa dal Service Public ed uschia obligada da porscher ses servetschs dapertut en Svizra a moda eguala. Cunzunt en regiuns decentralas, sco per exempel en ils vitgs en valladas lateralas dal Grischun, vegnian las gasettas e las brevs repartidas adina pli tard, sa vilenta il Cusseglier naziunal Martin Candinas.

Cunquai ch’ins vul spargnar rutas ed uschia emplenir meglier il temp dals postins restants vegn la posta ussa repartida savens pir il suentermezdi. Cunzunt per las gasettas e per la glieud pli veglia è quai ina chaussa nunpussaivla.

Candinas ha perquai inoltrà ina moziun che pretenda ch'il Cussegl federal adatteschi las prescripziuns. Excepziuns dastgia mo dar là nua ch'i dettia ina spediziun matutina da las gasettas, di Candinas.

Cura ch’ils quints arrivan è secundar, dentant la gasetta vulan ins ad uras!

Ch'ins savessi era abunar la gasetta sco ediziun online e leger quella sin il computer ni sin il tablet n'è per el nagin argument. Blera glieud, cunzunt la pli veglia, saja disada da leger la gasetta sin palpiri e veglia er far quai uschia en il futur. El appartegnia er tar questa glieud, di Martin Candinas. Ultra da quai hajan era il editurs in interess che lur gasetta vegnia ad uras en la stgaffa da brevs.

Las Svizras ed ils Svizzers spetgan da la Posta in Service Public che tegnia quai ch'el empermettia. Uschiglio na saja lura era betg pli necessari che la Posta giauda divers avantatgs visavi ils auters distributurs, admonescha Martin Candinas.

RR novitads 6:00

Artitgels legids il pli savens