Svizra - Gas lacrimogen cunter fugitivs en l’Ungaria
Al cunfin da l'Ungaria cun la Serbia hai dà dispitas violentas tranter fugitivs e la polizia. Las autoritads ungaraisas discurran da 20 policists blessads, davart fugitivs blessads na datti naginas infurmaziuns.
Al passagi da cunfin Röszke avevan plirs tschients fugitivs bittà crappa e laina sin policists e silsuenter avert cun forza in portal. Sinaquai aveva la polizia duvrà gas lacrimogen e chanuns d'aua cunter ils fugitivs. Quest passagi da cunfin aveva l'Ungaria serrà pir avant curt pervia dals blers fugitivs.
