Garda papala survegn nov caplan

Il papa Francestg ha ordinà Thomas Widmer sco nov caplan da la Garda papala a Roma. Widmer ha 31 onns ed è oriund da Bonstetten en il chantun Turitg.

In cortegi dals gardists svizzers tras Nossadunnaun, ils 23 d'avust 2015.

Legenda da maletgs: In cortegi dals gardists svizzers tras Nossadunnaun, ils 23 d'avust 2015. Keystone

Thomas Widmer ha frequenta il seminari da spirituals ed ha studegià filosofia e teologia a l’Universitad papala Santa Croce a Roma. Dal 2009 fin 2013 ha el lavurà en la pravenda Maria Lourdes a Turitg. Actualmain scriva Widmer sia dissertaziun teologica.

Cussegl pastoral per gardists e lur famiglias

Sco l'uvestgieu da Cuira scriva, è Widmer vegnì benedì sco spiritual avant 5 onns da l’uvestg da Cuira, Vitus Huonder. Thomas Widmer ha ditg ch'el sa legria da sia nov’incumbensa sco spiritual per la pastoraziun dals gardists a Roma. El vegn a celebrar la messa per il corps e sustegna cun ses cussegl pastoral ils gardists e las famiglias dals uffiziers.

RR novitads 14:00