Siglir tar il cuntegn

Svizra Garanzia da deficit per Sion 2026

La Confederaziun ed in'assicuranza vulan garantir sch'i dat in deficit tar la candidatura vallesana per gieus olimpics.

Placat da Sion 2026 vid ina chasa veglia da lain.
Legenda: La Confederaziun ed ina assicuranza vulan star bun tar in eventual deficit da gieus olimpics en il Vallais. Keystone

Il chantun Vallais e Swiss Olympic vulan suttascriver communablamain cun la citad da Sion in contract da ospitant per il gieus olimpics da l’enviern 2026.
Tar in deficit surpigliass la Confederaziun 215 milliuns francs ed ina assicuranza 300 milliuns francs.

Il budget operaziunal per manar atras ils gieus olimpics prevesa expensas da 1,7 milliardas francs. Na vegnan quels custs betg cuvrids cun entradas ed entras sponsurs, surpigliass la Confederaziun ed in’assicuranza ina part dal deficit.

RR novitads 21:00