Siglir tar il cuntegn
Inhalt

Svizra Garanzia da cumpra per energia idraulica

Rinforzar la forza idraulica cun ina garanzia da cumpra – quai propona la cumissiun d'energia dal Cussegl naziunal.

Purtret d'ina ovra idraulica.
Legenda: Ovras idraulicas stoppian vegnir sustegnidas pli ferm. Keystone

Ils consuments en il provediment da basa duain mo pli survegnir electricitad da la forza da l'aua. Betg pli part dal provediment da basa duain far l'energia d'ovras atomaras e l'energia importada.

Questa proposta a la cumissiun d'energia dal Cussegl naziunal sustegnì cun 17 cunter 5 vuschs ed ina abstenziun. Quai enstagl d'ina taxa supplementara sin forza idraulica che consuments avessan da pajar, sco la branscha d'electricitad aveva proponì.

La pluralitad da la cummissiun saja da l'avis ch'in stoppia agir svelt. La producziun d'energia regenerabla en Svizra stoppia vegnir rinforzada. Ils pretschs bass per l'electricitad procuria ch'i saja grev da mantegnair e renovar las ovras idraulicas.

Tar questa proposta giaja dentant ber ovras idraulicas. Quella vegniss era subvenziunada en cas ch'il suveran di gea ils 21 da matg a la lescha d'energia. Dentan vala la premia al martgà be per electricitad che na vegn betg messa disposiziun sco provediment da basa. Uschia na saja betg pussaivel da sustegnair dubel las ovras idraulicas.

RR novitads 18:00