Siglir tar il cuntegn

Svizra Gallaria auxiliara per la Sursilvania

Il chantun Sursilvania ha cumenzà cun il pli grond project da protecziun d'auas grondas da si'istorgia.

Quatter persunas che chaminan tras las auas grondas.
Legenda: Las auas grondas da l'avust 2005 en la Svizra Centrala èn anc preschentas en ils chaus. Keystone

Las auas grondas da l'avust 2005 èn anc adina en ils chaus da la glieud en la Sursilvania. Per ch'insatge uschia na capitia betg pli èsi vegnì discutà onns a la lunga en il chantun. Suenter diversas votaziuns èn ils da Sursilvania finalmain vegnids perina da bajegiar ina gallaria auxiliara.

La gallaria ch'ha ina lunghezza da 6,5 kilometers duai distgargiar il flum «Sarneraa» da malauras. L'aua duai en l'avegnir tar ina probabla auazun vegnir manada davent dal Lai da Sarnen tras questa gallaria e pir sut il Wichelsee puspè ir en il flum Sarneraa.

L'entir project custa 117 milliuns francs. Radund duas terzas dals custs, numnadamain 75 milliuns francs surpiglia la Confederaziun. Il 2023 duai la gallaria pudair vegnir duvrada tar situaziuns extraordinarias.

RR novitads 15:00