Betg mo il curs da l’euro fetschia fastidis a las pendicularas svizras, uschia il president da l’Uniun da las pendicularas svizras, Dominique de Buman. Er la giuventetgna che n’haja betg pli interess dad ir cun skis e las pretensiuns adina pli autas da las leschas e dals giasts sajan sfidas che stoppian vegnir schliadas ils proxim temp.
«Swiss Mountain Award 2015» per Sörenberg
A la radunanza generala a Laax è er vegnì surdà il premi «Swiss Mountain Award 2015». Il premi ch’è dotà cun 10'000 francs va a las pendicularas da Sörenberg per lur project Mooraculum: in parc d'attracziun per uffants che explitga la flora e fauna d'ina palì.
In dals 3 finalists per quest premi èn era stadas las pendicularas da Schatzalp sur Tavau cun lur territori da skis per seniors.
RR novitads 15:00