Siglir tar il cuntegn
cuntegn

Svizra Furmaziun supplementara per glieud che dovra agid social

Ina furmaziun supplementara duai gidar las persunas dependentas da l'agid social da chattar ina plazza. La conferenza per l'agid social e l'associaziun per la furmaziun supplementara han perquai lantschà in'offensiva.

Persuna empleina ora formulars.
Legenda: Ina furmaziun supplementara duai gidar a 75'000 persunas dependentas da l'agid social da chattar ina plazza. Keystone

Cun ina furmaziun supplementara avessan 40% dals creschids che retiran agid social en Svizra meglras schanzas da vegnir integrads en la professiun, uschia ils servetschs socials.

Cun lur strategia ch'è vegnida preschentada glindesdi vulan els cuntanscher ina midada dal punct da vista. Da la Confederaziun pretendan ils servetschs tranter auter dapli daners dals chantuns e ch'i dettia stipendis per mintga vegliadetgna.

Quella furmaziun supplementara na portia betg mo avantatgs a las persunas che dovran agid social, mabain er a l'economia ed a la societad, uschia ils servetschs socials vinavant.

RR novitads 12:00

273'000

L'onn 2016 han 273'000 persunas retschavì agid social. Da quellas èn 194'000 maiorennas. La mesadad da lezs n'han nagin examen professiunal. 30% han difficultads da leger, scriver e quintar. Ina furmaziun supplementara duai gidar a 75'000 persunas dependentas da l'agid social da chattar ina plazza. Quai han ils servetschs socials communitgà.