Siglir tar il cuntegn
Inhalt

Svizra Fundaziun per protecziun da la patria cun success tar ils recurs

La fundaziun ha l’onn passà inoltrà radund 47 novs cas. L'onn 2016 eran quai 46 cas. Pertutgads èn construcziuns da stallas, megliuraziuns, implants turistics, ma era projects da vias, da chasas e singuls cas per la construcziun d’implants d’energia, scriva la fundaziun.

Aual.
Legenda: Tenor la protecziun da la cuntrada, ha ella ils 2017 pudì liquidar cun success 84 pertschient da lur cas (maletg da simbol). Keystone

En tut èn vegnidas terminadas l’onn passà 43 intervenziuns, 36 intervenziuns èn vegnidas terminadas cun success, quai che munta ina quota da 84%.

Il squitsch resta gronds

Il squitsch sin la cuntrada resta gronds, ed uschia n’èn era ils recurs inoltrads da la fundaziun svizra per la protecziun da la cuntrada betg propi tschessads. Dals 43 recurs ch'èn vegnids reglads l'onn passà han ins terminà quatter tschintgavels cun success. 13 recurs èn dal tut u per gronda part vegnids approvads. En 10 cas han ins renunzià sin ils projects u els èn vegnids retratgs. Ed en ils auters 13 cas ha la fundaziun retratg il recurs suenter ch'il project è vegnì adattà.

RR novitads 16:00