Siglir tar il cuntegn
Inhalt

Svizra Fugitivs: Sommaruga spera che l'UE vegnia perina

La presidenta da la Confederaziun, Simonetta Sommaruga, spera ch'ils ministers da l'UE sa cunvegnian tuttina anc co reparter 120'000 fugitivs. Ella na gughegia però betg da far prognosas, uschia ha ditg Sommaruga avant l'inscunter extraordinari a Brüssel.

Dimitris Avramopoulos e Simonetta Sommaruga
Legenda: Dimitris Avramopoulos, cumissari da migraziun da l'UE, en discurs cun la presidenta da la confederaziun. Keystone

Aifer 10 dis èsi gia la segunda emprova dals stadis da l'UE ed anc adina datti ina polarisaziun. Pajais sco la Tschechia, la Slovachia, l'Ungaria e la Rumenia sa dostan numnadamain cunter ina clav da repartiziun. La Svizra sa participescha er a la politica d'asil da l'UE cunquai ch'ella fa part a la cunvegna da Dublin.

RR novitads 17:00